എന്റെ കുട്ടുകാരന്‍ പൊടിയന് ജബ്ബാര്‍ മുഹമ്മദ്‌ (അവനു ഞാന്‍ ഇവിടെ ജബ്ബാര്‍ എന്ന് പേരിടട്ടെ). പതിവുപോലെ അന്നും അവന്‍ ഫോണ്‍ ചെയ്യുകയായിരുന്നു അവന്റെ വിട്ടിലേക്ക്. അന്നൊരു വെള്ളിയാഴ്ച ആയിരുന്നു, കുടുതല്‍ നെരേം ഗള്‍ഫില്‍ നിന്നും നാട്ടിലേക്ക് കുറഞ്ഞ ചിലവില്‍ വിളിക്കാം. . അത് ഉപയോഗിക്കണം. മുസ്ലിം സമുദായക്കരനായ ജബ്ബാര്‍ കുറെ നേരം വൈഫ്‌ ( അവള്‍ക്ക് ഞാന്‍ ഇവിടെ സക്കീന എന്നു പേര് വിളിക്കട്ടെ) മായി സംസാരിച്ചു...."ബാപ്പ എവിടെപ്പോയി.....കുഞ്ഞാളൂനു (പെങ്ങള്‍) സുഖല്ലേ....." സാധാരണ അന്വേഷണങ്ങള്‍എല്ലാത്തിനും അവള്‍ ഒറ്റവാക്കില്‍ ഉത്തരം കൊടുക്കുന്നുണ്ട്...
"കുട്ടികള്‍ ഷാഫിക്കും രംലത്തും എവടെ.. ഓലുക്കു ഇന്ന് ഇസ്കൂള്‍ ഉണ്ടോ...." അവന്‍ തിരക്കി...
"ഓല് രണ്ടാളും ഇസ്കൂളില് പോയി..." മറുപടി വന്നു.
കുറെ ഏറെ സംസാരിച്ചപ്പോഴും അവന്റെ മനസ്സില്‍ ഒരു പൂതി നിറയുന്നുണ്ടായിരുന്നു...ഫോണിലൂടെ തന്റെ എല്ലാമെല്ലാമായ സക്കീനക്ക് ഒരു ഉമ്മ കൊടുക്കാം....അവന്റെ ഹൃദയം വികാരഭരിതമായി....
അവിടെ ആരൂം പരിസരത്ത് ഇല്ല എന്ന വിശ്വാസത്തില്‍ അവന്‍ വളരെ പതുക്കെ പറഞ്ഞു..."ഉമ്മ"
അതു കേട്ടതേ സക്കീന വിചാരിച്ചു... ഉമ്മായെ (അമ്മ)വിളിക്കുകയാണെന്ന് ...അവള്‍ ഫോണ്‍ ഉമ്മാക്ക് ഉടന്‍ കൈമാറി... സാധാരണ പതിവ് അതാണല്ലോ...
ഇതൊന്നും അറിയാതെ വീണ്ടും "ഉമ്മ" എന്നു പറയാന്‍ തുടങ്ങുമ്പോഴാണ്..."മോനെ" എന്നുള്ള ഉമ്മയുടെ വിളി...അവന്‍ ഞെട്ടി...അവന്‍ ഉമ്മ എന്നത് വക്രിച്ചു....ഉമ്മീ എന്നായിപ്പോയി...അവന്റെ സ്വരം വിറച്ചിരുന്നു... അവന്‍ വല്ലാതായി... ഒപ്പം മനസ്സില്‍ പറയുകയും ചെയ്തു..."ഈ ബലാല് എവടെപ്പോയി ഉമ്മാക്ക് ഫോണും കൊടുത്തു" അപ്പോള്‍ ....ഉമ്മയുടെ സ്വരം കേട്ടു " എന്താ മോനെ സുഖൊല്ലെ...നെന്റെ ഒച്ച്ചക്കെന്താ ഒരു മാറ്റം... സോക്കേട്‌ വല്ലതും ആയോ.
"അവന്‍ മുരടനക്കി...പറഞ്ഞു..."ഒന്നുല്ല ഉമ്മാ ചന്കിലെന്തോ...ഒരു കരകരപ്പ്... അതാ...സാരല്ല.." ഉടനെ ഉമ്മയുടെ മറുപടി "മോനെ സൂച്ചിക്കണേ ...കൊടുത്തയച്ച ...കാച്യെ എണ്ണ തേച്ചു കുളിച്ചാ മതി ട്ടോ..." ഉമ്മയുടെ സ്നേഹമസൃണമായ സ്വരം. ... .
ഉമ്മയുടെ ചോദ്യങ്ങള്‍ക്കെല്ലാം മറുപടി പറയുമ്പോഴും അവന്‍ ചിന്തിച്ചത് ...അവള്‍ എവിടെന്നാണ് ...എങ്ങനെ ഉമ്മയോട് ചോദിക്കും..."ഇപ്പോഴല്ലെടാ ഇജ്ജ്‌ ഓളോട് കൊറേ നേരം വര്‍ത്താനം പറഞ്ഞത് " എന്നു ഉമ്മാ ചോദിച്ചാലോ... അവന്‍ സംശയിച്ചു സംശയിച്ച്‌ ചോദിച്ചു "ഉമ്മ സക്കീന എവടെ......പോയോ...
"ഉമ്മാ പറഞ്ഞു..."ഓള് അടുക്കളേലാ മോനെ...കൊറച്ചു...പച്ച മത്തി കിട്ടി അതു വറക്കണ തെരക്കിലാ...ഞാന്‍ ഇങ്ങട്ട് പറഞ്ഞയക്കാം..." ഉമ്മാ ഫോണ്‍ ഹോള്‍ഡ്‌ ചെയ്തു പോയപ്പോള്‍ ..വീണ്ടും അവന്റെ മനസ്സ് പെരുമ്പറ കൊട്ടി...പെട്ടെന്ന് ആരോ നടന്നടുക്കുന്ന ശബ്ദം കേട്ടു..ഫോണ്‍ എടുക്കുന്നതും.... അവന്‍ വിചാരിച്ചു അവള്‍ ആണെന്ന് ...ഇനി പിടിച്ചു നില്‍ക്കാനാവില്ല ....ഹലോ എന്ന പതിഞ്ഞ സ്വരം കേട്ടതും .....അവന്‍ പറഞ്ഞു..."ഉമ്മ ഉമ്മ ഉമ്മ ഉമ്മ ഉമ്മ "അപ്പുറത്ത് ഒരു നിശബ്ദതക്കു ശേഷം അതു തന്നെ തിരിച്ചും കിട്ടി..."ഉമ്മ ഉമ്മ ഉമ്മ ഉമ്മ ഉമ്മ
""ഹള്ളാ" അവന്‍ തുള്ളിച്ചാടിപ്പോയി....അപ്പോള്‍ അപ്പുറത്ത് നിന്ന് വീണ്ടും ശബ്ദം...."സക്കീനാക്ക് കൊടുക്കാനുള്ളത് ഞമ്മക്ക്‌ തന്നു അല്ലെ...." എന്നിട്ട് ഒരു കുസ്രിതി ചിരി....അവന്‍ പേടിയോടെ ചോദിച്ചു..".നീ ആരാ..." അവള്‍ മൊഴിഞ്ഞു...."ഞാന്‍ അയലോത്തെ റുക്കീയ ആണ് ജബ്ബാറിക്കാ.." അതോടെ അവന്റെ സപ്ത നാഡികളും തളര്‍ന്നു...."പടച്ചോനെ ആ കോനകണ്ണള്ള കൊന്ത്രം പല്ലുള്ള ആ ഇബിലീസ് പെണ്ണ്..." അവന്‍ സ്വയം തലക്കടിച്ചു...അപ്പോഴേക്ക് ഒന്നും അറിയാത്തപോലെ അവള്‍ സക്കീനയെ വിളിച്ചോണ്ട് വന്നു..."
എന്താ ഇക്കാ ഇനീം വല്ലതും പായാന്‍ വിട്ടു പോയോ....ഞാന്‍ അവടെ അടുക്കളേല് കൊറച്ചു മീന്‍ പോരിക്കണ തിരക്കിലാ.... എന്തേയ്..." അവള്‍ ചോദിച്ചപ്പോള്‍ ഒന്നും പറയാനാവാതെ അവന്‍ നിന്നു.
എന്നിട്ട് ഇത്രമാത്രം പറഞ്ഞു...."നെന്റെ ശബ്ദം ഒന്നുടെ കേക്കണം എന്നു തോന്നി...അതാ ""
ഈ ഇക്കാന്റെ ഒരു കാര്യം..." അവള്‍ ചിരിച്ചു..."
എന്നാ നീ ഫോണ്‍ വെച്ചോ.." അവന്‍ പറഞ്ഞതും അവള്‍ ഫോണ്‍ കട്ടാക്കി പോയി...
പടച്ചോനെ ഇന്ന് ആരെയാണ് കണി കണ്ടത് എന്നോര്‍ത്ത് അവന്‍ മിഴിച്ചു നിന്നു...
